仲記唔記得方中信?
相信在座各位
同可樂君一樣
細細個都有睇過
佢D電影同劇集
方中信86年就入行
有D作品播出嘅時候
大家可能仲未出世
而可樂君印象比較深嘅作品
有《烈火雄心2》
佢飾演資深消防隊長唐明
一身消防員look勁有型!
同劇仲有張可頤、蒙嘉慧、
陳慧珊、鄭嘉穎等藝人出演
陣容猛料值得翻煲!
同徐子珊合作嘅《仁心解碼》
飾演精神科醫生高立仁
醫生配madam破案
劇情好精彩!
搭檔廖啓智嘅
《律政強人》
出演“法律界神話”張強
又係專業人士角色
劇中佢同智叔互飆演技
正到痹!
方中信呢個名
咁多年來都算係家傳戶曉
電影《新紮師妹》都曾經惡搞過
仲成爲咗經典片段!
Well
講起方中信
都有一段時間冇見
最近佢上訪談節目《諸朋好友》
狀態好fit依然好有型!
同十幾年前差唔多樣
又一個“食咗防腐劑嘅男人”
飾演過咁多精英角色
方中信俾人嘅感覺
係好穩重好可靠
但原來佢曾經因爲得罪人
搞到冇工開咁慘?!
方中信喺30歲時
事業好似過山車咁
當時加盟TVB
拍電影又拍電視劇
偏偏呢個時候遇上低潮
佢得罪咗電視監製
搞到2年冇工開
當時佢又要供樓
所以情況“好陰功”
不過佢亦經一事長一智
爲免得罪人而家講嘢只講3成
仲笑言如今呢位監製
已經離開咗TVB
除此之外
佢又自爆曾經被呃片酬
試過製作人俾現金佢
後來發覺少咗幾張
又試過被另一位演員
袋起曬D片酬
雖然曾經好黑仔
但亦都有幸運嘅事
就係佢比較早北上發展
方中信話自己好幸運
唔係而家唔夠人搶
北上發展嘅方中信
近年都拍過唔少內地劇集
比如《海棠經雨胭脂透》
鄧倫、李一桐主演
同劇仲有李若彤
港劇有《機動部隊》
林峯、蔡卓妍主演
方中信演阿sir劉建暉
電影方面都有佢嘅身影
包括林峯、文詠珊等主演嘅
《新倚天屠龍記》
方中信飾演楊逍
《一級指控》
方中信再同智叔鬥戲
部戲之前已經喺hk上映咗
希望好快可以喺本地都睇到啦
陣容都好強勁
有譚耀文、陳家樂、
鮑起靜、何佩瑜等藝人出演!
仲有咁多劇集電影等住出街
方中信果然寶刀未老
期待未來佢有更多好嘅劇集
帶俾我哋啦!
More · 今日娛樂看點
鄭爽瑞麗開年封
鄭爽瑞麗2021年開年刊封面,
紅噹噹果然夠曬喜慶,
話咁快即將迎來新嘅一年,
希望大家都有好嘅開始啦!
有翡新劇照
電視劇《有翡》,
今日發佈十二月第一組劇照,
宣傳咗咁耐,
究竟幾時播出?
大雪
原來已經到咗大雪啦,
仲冬時節正式開始,
天氣會比小雪更凍,
不過廣州今日反而熱咗?
資料來源:藝人社交平臺
微博、影視截圖
互聯網綜合整理
編輯:Junko
*文中圖片如涉及侵權請聯繫,立即刪除
掃描下方二維碼
get最新672期《可樂生活》
▼
海鮮包送到屋企
你都可以做廚神
▼
羊城晚報報業集團旗下優秀生活類媒體可樂生活Color,度身打造專屬廣州人的吃喝玩樂指南,潮流風向標資訊。
官方唯一商務合作QQ:19021820609